கடந்த சில ஆண்டுகளாக தங்கள் விளைவித்த நஞ்யில்லா காய்கறி, பாரம்பரிய அரிசிகள், வளர்த்த செடிகள் என்று எங்களிடம் பகிர்ந்து கொண்ட சென்னைக்கு அருகில் உள்ள விவசாயிகளை நேரில் சென்று அவர்கள் விவசாயம் செய்யும் நிலத்திலேயே வைத்து பார்க்க வேண்டும் என்று பல நாட்களாக திட்டமிட்டது தற்பொழுது தான் நடந்தேறியது. மதுராந்தகம் மற்றும் கயப்பாக்கத்திற்கு ஒரு நாள் பயணமாக சென்று வந்தோம் (ஜனவரி 21 சனிக்கிழமை).

எங்கள் அருமை நண்பர் திருவேங்கடம் அவர்களின் நாற்றுப் பண்ணையில்,

பண்ணை குட்டை மிகவும் சிறப்பாக இருந்தது; நீர் சேமிப்புக்கு உதவுவது முதல் மீன் வளர்ப்பு வரை பல தேவைகளை பூர்த்தி செய்கிறது. குறுகிய தூரத்திற்குள் மண் எவ்வாறு மாறுபடுகிறது என்பதையும், ஒவ்வொரு மண் வகைகளும் வெவ்வேறு பயிர்களுக்கு எவ்வாறு உதவுகின்றன என்பதையும் அவர் எங்களுக்கு விளக்கினார். நீர் வாட்டத்தை பற்றியும் புஞ்சை நஞ்சை நிலங்களின் வேறுபாடுகளை பற்றியும் சிறப்பாக விளக்கினார். அவரது நாற்று பண்ணை மிகவும் புத்துணர்ச்சியூட்டுவதாக இருந்தது, மேலும் இது காஞ்சிபுரம் மற்றும் செங்கல்பட்டு சுற்றியுள்ள மிகப்பெரிய மரக்கன்றுகளுக்கான பண்ணை என்று பெருமையுடன் சொல்லலாம்.

வழியில் ஒரு பண்ணைக்கு நாங்கள் திட்டமிடாமல் சென்றோம், 70+ வயதான தம்பதியினர் நடத்துகிறார்கள், அதன் நோக்கம் உணவே மருந்தாக வாழ்க்கை முறையை அமைத்து இயற்கையோடு வாழ வேண்டும். வயதான தம்பதிகள் தங்கள் வாழ்க்கையை எப்படி வாழ்வது என்பது பற்றிய சிந்தனைத் தெளிவைக் காண்பது ஊக்கமாக இருந்தது.

மேற்கு தமிழ்நாட்டிலிருந்து அச்சரப்பாக்கம் அருகே கயப்பாக்கத்தில் குத்தகைக்கு நிலம் எடுத்து விவசாயம் செய்கிறார் நண்பர் வடிவேல். அவரிடமிருந்து கையால் செய்யப்பட்ட சில சோப்புகளைப் பெற்றோம். மாலை, 5 முதல் 7 வரை, மலைகளுக்கு நடுவே அமைந்துள்ள, இரண்டு பண்ணைகளையும் பார்வையிட்டோம். மென்மையான, தென்றல் காற்றுடன் முழுப் பயணமும் மிகவும் புத்துணர்ச்சியூட்டுவதாக இருந்தது. இறுதியாக, நாங்கள் ஒரு நல்ல தேநீர் அருந்திவிட்டு புறப்பட்டோம்.

திருவேங்கடம் மற்றும் வடிவேல் இருவரும் கிட்டத்தட்ட தங்கள் முழு நாளையும் எங்களுடன் செலவிட்டதால் அந்த நாள் மிகவும் மகிழ்ச்சியாக இருந்தது. நிச்சயமாக நாங்கள் அவர்களை அடிக்கடி சந்திக்க விரும்புகிறோம், அவர்களின் விவசாய வேலைகளில் அதிகமாக பங்கேற்க வேண்டும் என்ற எண்ணத்தோடு விடைபெற்றோம் !